Nivelet mesatare të testosteronit te burrat kanë rënë me më shumë se 50 për qind gjatë pesë dekadave të fundit, sipas një studimi të ri të paraqitur në kongresin e Shoqatës Evropiane të Riprodhimit Human dhe Embriologjisë (ESHRE) në Londër, përcjell KohaNEWS.
Studimi ka analizuar të dhëna nga mbi 8.650 kërkime të kryera mes viteve 1972 dhe 2019, duke përfshirë një kampion prej 102.334 subjektesh nga pesë vende, përfshirë Izraelin, ShBA-në, Brazilin, Finlandën dhe Danimarkën.
Përshpejtim i rënies pas vitit 2000 Hulumtuesit, të udhëhequr nga Hagai Levine nga Shkolla e Shëndetit Publik Braun në Universitetin Hebraik në Izrael, raportojnë se shkalla mesatare e rënies që nga viti 1979 arrin në 54 për qind, ndërsa ritmi i rënies duket se është përshpejtuar ndjeshëm pas vitit 2000. Ky trend prej rreth një përqind në vit tregon një zhvillim të fortë dhe jo një gabim statistikor.
Autorët theksojnë se obeziteti dhe diabeti janë faktorët kryesorë që kontribuojnë në këtë rënie, pasi shtimi i yndyres trupore shndërron testosteronin në estrogjen, ndërsa rezistenca ndaj insulinës dëmton funksionin e trurit në prodhimin e hormoneve. Për më tepër, faktorët e mjedisit, përfshirë kimikatet që prishin sistemin endokrin, luajnë një rol të rëndësishëm.
Testosteroni luan një rol kyç jo vetëm në prodhimin e spermatozoidit dhe dëshirën seksuale, por edhe në ruajtjen e energjisë, metabolizmit, masës muskulore dhe dendësisë së eshtrave. Shkencëtarët bëjnë thirrje për masa urgjente në fushën e shëndetit publik, duke paralajmëruar se bota po kalon përmes një krize serioze të shëndetit riprodhues të burradiative, e cila nuk po trajtohet me vëmendjen e duhur.
/KohaNEWS