Shkup: Bora e parë mbylli një rrugë në Maqedoninë e Veriut
Drejtimi rrugor Kratovë – Probishtip është mbyllur për qarkullim për mjete të rënda motorike, për shkak të reshjeve të borës, njofton AMSM.
Rruga është mbyllur që nga ora 7 e mëngjesit të sotëm dhe nuk dihet se sa do të zgjasë.
Qarkullimi në rrugët shtetërore zhvillohet në rrugë kryesisht me lagështirë. Intensiteti i trafikut jashtë zonave urbane është mesatar. Në vendkalimet kufitare nga ana e Maqedonisë nuk ka më vonesa për hyrje dhe dalje nga vendi.
