Në një takim veror me banorët e lagjes Jahja Pasha, zëvendëskryeministri Izet Mexhiti bisedoi hapur mbi punët e realizuara dhe planet për zhvillimin e lagjes dhe të gjithë Çairit.
Banorët diskutuan mbi investimet që kanë përmirësuar jetën e përditshme, si asfaltimi i rrugëve, restaurimi i shkollave, rregullimi i kanalizimeve, vendosja e rrjetit atmosferik dhe hapja e parkingjeve. Mexhiti gjithashtu prezantoi hapat e ardhshëm për zhvillim urban dhe përmirësimin e infrastrukturës, duke dëgjuar edhe kërkesat e qytetarëve që do të marrin zgjidhje.
Takimi u organizua si pjesë e angazhimit të vazhdueshëm për bashkëpunim me qytetarët dhe për të mbështetur zhvillimin e lagjeve.
