FC Struga: Kupa, nesër mësojmë kundërshtarin në kuadër të ndeshjeve çerekfinale

Të martën (nesër) në hapësirat e Federatës së Futbollit të Maqedonisë me fillim në ora 15:00 do të hidhet shorti për ndeshjet çerekfinale të Kupës së Maqedonisë.

Pjesë e shortit do të jetë edhe skuadra e Struga Trim Lum, që tashmë ka siguruar një vend në mesin e 8 skuadrave më të mira. Kujtojmë në 1/8 e finales eliminuam Makedonija GJ.P (2:0), ndërsa në raundin e parë ishim më të mirë se Slloga Vinica (6:1).

Mbetet të shihet se cili do të jetë kundërshtari ynë i rradhës, teksa në garë janë skuadrat, si Shkëndija, Vardari, Sileksi, KF Gostivari, AP Brera, KF Arsimi dhe FC Detonit Plaçkovica.

Ndeshjet çerekfinale sipas programit do të luhen më 26 shkurt 2025 me fillim nga ora 14:00.