Jack Grealish shënoi gol pas 392 ditësh, City me “të tetën” kalon në fazën tjetër të FA Cup (VIDEO)
Lojtarët e Manchester City-t arritën një fitore të thellë prej 8:0 ndaj Salford-it në ndeshjen e raundit të tretë të FA Cup-it anglez.
Edhe pse Guardiola i bëri ndryshime të mëdha në formacion duke u dhënë mundësi lojtarëve të rinj dhe atyre që zakonisht janë në plan të dytë, kjo nuk paraqiti problem për favoritët, të cilët mbushën plot rrjetën e skuadrës nga Liga e Katërt.
Lajmi kryesor nga kjo përballje është se Jack Grealish më në fund shënoi për “qytetarët”, duke u regjistruar në listën e golashënuesve pas plot 392 ditësh. Para kësaj ndeshjeje, në të cilën realizoi nga pika e bardhë, Grealish kishte shënuar golin e tij të fundit më 16 dhjetor 2023 kundër Crystal Palace.
