Kryeministri Edi Rama ka konfirmuar sot se Shqipëria ka hyrë në një fazë të re të trajtimit të pensionistëve, duke nisur nga ky janar me një skemë rritjeje progresive. Gjatë podkastit të tij “Flasim”, kreu i qeverisë sqaroi se ky proces është rezultat i qëndrueshmërisë ekonomike dhe reformave të viteve të fundit.
Skema e rritjes progresive
Sipas Kryeministrit, rritja që ka nisur këtë muaj do të shërbejë si bazë për vitet në vijim. Skema parashikon një progresion vjetor që kulmon në fund të kësaj dekade:
-
Janar 2026: Nisja e shtesës së parë sipas kategorive.
-
Janar 2027: Dyfishim i shtesës së këtij viti.
-
Janar 2028: Trefishim i shtesës fillestare.
-
Janar 2029: Katërfishim i shtesës.
-
Shqipëria 2030: Pesëfishim i shtesës së janarit 2026.
“Një çlirim personal”
Rama e përshkroi këtë vendim si një moment “çlirimi”, duke treguar vështirësitë e viteve të kaluara për të refuzuar rritjet e nxituara që mund të rrezikonin stabilitetin financiar të vendit.
“I kam shtrënguar dhëmbët për të bërë durim… s’e bënim dot se nuk mund të minonim shtëpinë ku rriten fëmijët tanë,” u shpreh ai, duke iu referuar qëndrueshmërisë së financave publike.
Rezultati i rritjes ekonomike
Sipas qeverisë, ky plan nuk është thjesht një premtim elektoral, por një hap i mundësuar nga përmirësimi i mbledhjes së të ardhurave dhe administrimit fiskal. Kryeministri theksoi se vendi tashmë ka arritur pikën ku rritja e pensioneve mund të realizohet në mënyrë organike pa cenuar buxhetin e shtetit.
