Adnan Azizi nga koalicioni VLEN ka përgëzuar sot Komisionin Shtetëror të Zgjedhjeve për punën profesionale në procesin e zgjedhjeve në Komunën e Çashkës, duke theksuar rolin e nënkryetarit të KSHZ-së, Abdush Demiri, në mbrojtjen e votës së qytetarëve.
“Urime Çashkë! U mbrojt vullneti i popullit dhe iu dha haku drejtësisë”, ka thënë Azizi, duke uruar kryetarin e ri të Komunës së Çashkës, Suat Shaqirin, për suksese në mandatin e tij.
Ai shtoi se pret angazhim maksimal në të mirë të qytetarëve të Çashkës dhe realizimin e projekteve që do të sjellin zhvillim lokal.
