“Shtetet e Bashkuara të Amerikës mbeten fort të përkushtuara ndaj Marrëveshjes së Prespës dhe integrimit euroatlantik të Maqedonisë së Veriut. Kështu bëjnë me dije ambasada amerikane në Shkup në përgjigje të pyetjeve për qëndrimin e misionit diplomatik pasi presidentja e sapozgjedhur, Gordana Siljanovska-Davkova, gjatë betimit në Kuvend nuk e përdori emrin kushtetues të shtetit.
“Pasi të formohet qeveria e re dhe të zgjidhet një kryeministër, ne do të vazhdojmë të theksojmë rëndësinë e respektimit të marrëveshjeve ndërkombëtare dhe përfitimet e përparimit të vendit drejt anëtarësimit të plotë në Bashkimin Evropian”, thuhet në njoftimin e Ambasadës së SHBA-së në vend. përgjigje ndaj një pjese të medias.