Koalicioni “Vlen”, pas rivotimit të sotëm në njësinë zgjedhore 2101 në fshatin Llërcë të Komunës së Zhelinës, bëri të ditur se ka fituar një tjetër deputet në njësinë e gjashtë zgjedhore.
Përfaqësuesi i koalicionit, Bashkim Hasani, tha se kanë marrë gati 500 vota nga gjithsej 993 qytetarë me të drejtë vote.
– Kur voton pa presion, pa vjedhje dhe pa shumë manipulime, rezultati është ky që kemi sot. Me këtë rezultat fitojmë edhe deputetin e 14-të të çështjes. Me gjithë presionet, mbi drejtuesit e policisë, mbi inspektorët dhe në momentet kur ofroheshin para për të votuar. Të gjitha këto raste do t’i raportojmë nga nesër dhe do të insistojmë në përgjegjësinë e tyre. Koalicioni “Vlen” ka afër 500 vota, ndërsa Fronti Europian 48 vota, tha Bashkim Hassani.
Sipas Hasanit, Koalicioni “Vlen” nuk do të ketë ndryshime me rivotimin e sotëm në njësinë e pestë zgjedhore.
