Bayer Leverkusen ka shënuar sot një fitore ndaj Augsburgut (1:0) në fushë si mysafir në xhiron e 17-të të Bundesligës.
Mesfushori argjentinas Ezequiel Palacios ka shënuar golin e fitores për “farmacistët” në minutën e 94-të.
Skuadra e trajnerit Xabi Alonso zgjati ecurinë e tyre të pamposhtur nga fillimi i sezonit në 26 ndeshje (23 fitore, 3 barazime), një rekord për klubet gjermane.
Bayer Leverkusen është kryesuesi i tabelës në kampionatin gjerman të futbollit me 45 pikë, katër më shumë se Bayern Munich i vendit të dytë, që ka një ndeshje më pak.