Presidentja e KE Ursula von der Leyen i tha Parlamentit Evropian se “BeH po tregon se mund të përmbushë kriteret e anëtarësimit dhe aspiratën e qytetarëve të saj për të qenë pjesë e familjes sonë.” Ajo shton se kjo është arsyeja pse ne do të vendosim t’i rekomandojmë Këshillit fillimin e negociatave të anëtarësimit me Bosnje-Hercegovinën”.
BE-ja i dha Bosnjës statusin e vendit kandidat në dhjetor 2022. Komisioni tani bën një rekomandim pozitiv për hapjen e negociatave formale të anëtarësimit. Hapi tjetër është që liderët e BE-së të marrin në konsideratë rekomandimin në takimin e tyre në Bruksel më 21-22 mars, i cili do të jetë ende një diskutim delikat pasi Bosnja ka shumë kushte për të përmbushur.
