Në kohën kur fluksi i largimit të qytetarëve drejt vendeve evropiane shpesh shihet si e vetmja zgjidhje për një jetë më të mirë, një histori nga Rahoveci vjen si një dëshmi e ndryshimit të madh ekonomik në vend.
Safet Gashi, një bujk i njohur nga një fshat i Rahovecit, ka ndarë një realitet befasues për standardet e dikurshme, por tashmë të prekshme në bujqësinë kosovare. Ai tregon se përkushtimi dhe puna në tokën e vendlindjes po shpërblehen më shumë sesa puna e rregullt në vendet e Bashkimit Evropian.
“Punëtorin e paguaj 1,000 euro në muaj në Kosovë, ndërsa djali im në Itali i merr 500 euro. Më mirë në Kosovë u bë sesa në Itali,” – deklaroi Gashi, duke vënë në pah sfidat me të cilat po ballafaqohen punëtorët shqiptarë në diasporë krahasuar me mundësitë që po krijohen brenda vendit.