Cristiano Ronaldo, futbollist me 700 fitore në klub
Cristiano Ronaldo ka vendosur një tjetër rekord, duke arritur fitoren e tij të 700-të në karrierën e klubit.
Portugezi ka shënuar 85 gola në 94 ndeshje për Al Nassr. Ekipi i tij fitoi dje ndaj Al Raed me rezultat 2:1. Ronaldo kontribuoi në këtë fitore me një gol dhe një asist.
Sipas gazetës spanjolle “Marca”, Ronaldo është bërë futbollisti i parë në histori që arrin këtë arritje të jashtëzakonshme me 700 fitore në ndeshje zyrtare të klubeve.
Kjo nuk është e vetmja arritje për Ronaldon. Ai ka kaluar tashmë kufirin magjik prej 900 golash në karrierë, një arritje që askush tjetër nuk e ka arritur para tij.
