Ndryshimi i paralajmëruar i motit ka mbërritur në pjesën më të madhe të Kroacisë. Edhe pse dita e djeshme ka qenë kryesisht me diell, në orët e mbrëmjes ka ardhur me vranësira të shtuara nga veriperëndimi me reshje shiu, vende-vende dhe bubullima.
Gjatë natës në Zagreb ka filluar të bjerë borë, e cila ka sjellë formimin e një shtrese të hollë bore në terren dhe automjete. Në malin Sljeme mbulesa e borës ka arritur në 25 centimetra, ndërsa në zonat më të ulëta është paralajmëruar reshje të thata.
Një front jashtëzakonisht i ftohtë po kalon edhe nëpër Slloveni, kështu që reshjet tashmë kanë mbuluar pjesën më të madhe të vendit. Vija e borës do të zbresë mjaft ulët, madje deri në 600 metra mbi nivelin e detit, ndërsa në disa vende në veri tashmë bie borë.
Në Bosnje-Hercegovinë sot është me vranësira dhe është vërejtur edhe rënie e temperaturave.
Në pjesën më të madhe të vendit bie shi, por në disa pjesë, si në Sarajevë dhe Banja Luka, është regjistruar edhe borë.
