Dy persona janë arrestuar nën dyshimin se kanë ndihmuar në atentatin e djeshëm ndaj kryetarit të Komunës së Haraçinës, njoftoi televizioni Sitel.
Burime nga MPB bëjnë të ditur se policia është ende në terren dhe po punohet për identifikimin dhe ndalimin e sulmuesit që dje ka hapur zjarr me automatik në drejtim të Ridvan Ibrahimit, i cili vjen nga radhët e BDI-së.
Ai nuk do ta mbajë mend mirë mandatin e tij pasi pasi u bë kryetar bashkie kjo është hera e tretë që policia merr denoncimin se ai është sulmuar. Vitin e kaluar ka raportuar se është kërcënuar nga një 69-vjeçar nga Haraçina, ndërsa në vitin 2022 është sulmuar fizikisht nga disa persona të cilët, siç ka thënë ai në polici, udhëhiqeshin nga një familjar i ish-kryetarit të Komunës së Haraçinës dhe kreu i degës së BDI-së në këtë komunë, Brahim Ajvazi.
Ndonëse ende zyrtarisht nuk dihen motivet e sulmit të fundit, tashmë mediat spekulojnë se bëhet fjalë për një përballje brenda partisë në BDI, qëndrim për të cilin Ahmeti nuk ka pasur humor të komentojë sot.