Dy persona kanë humbur jetën nga lëndimet e marra në aksidentin e trafikut që ka ndodhur mëngjesin e sotëm në rrugën kryesore Gostivar-Kërçovë në afërsi të gurthyesit, njofton SPB Tetovë.
Aksidenti i trafikut është raportuar mëngjesin e sotëm (5 janar) në ora 07:10 në rrugën kryesore Gostivar-Kërçovë, në afërsi të separacioneve të hapura (guroreve).
“Në një aksident trafiku në të cilin kanë marrë pjesë dy vetura motorike të udhëtarëve: Audi me targa të huaja e drejtuar nga E.Z (42) nga Kërçova dhe Skoda me regjistrime të Shkupit e drejtuar nga Š.N.(48) nga Kamenjane e Tetovës. Në aksident dy vozitës nga lëndimet e marra kanë ndërruar jetë në vend, ndërsa mjekët e Emergjencës së Gostivarit kanë konstatuar vdekjen e tyre”, tha Marjan Josifoski, zëdhënës i SPB Tetovë.
Prokurori publik dhe ekipi i Sektorit të Punëve të Brendshme të Gostivarit kanë kontrolluar vendin.
Për më shumë se dy orë është ndërprerë qarkullimi në të dy drejtimet për shkak të këqyrjes së vendit.