Siç transmeton KohaNEWS, ish-kreu i Aleancës për Ardhmërinë e Kosovës (AAK), Ramush Haradinaj, ka shprehur gatishmërinë e tij për të pranuar kandidaturën për President të Republikës së Kosovës, me kushtin që ky propozim të vijë nga blloku opozitar.
Gjatë një paraqitjeje televizive në Tëvë1, Haradinaj sqaroi se nuk është duke u vetëoffruar për këtë post, mirëpo është i hapur ta marrë këtë përgjegjësi nëse subjektet opozitare vlerësojnë se ai duhet të jetë emri i tyre garues. Megjithatë, ai e bëri të qartë se nuk do të bëhet pjesë e asnjë marrëveshjeje politike me Lëvizjen Vetëvendosje (VV).
Më tej, Haradinaj kritikoi qasjen e kryeministrit Albin Kurti, duke nëvizuar se funksionimi i demokracisë kërkon komunikim real mes pushtetit dhe opozitës, ku të dyja palët duhet të kenë kandidatët e tyre për pozitën e kryetarit të shtetit. Sipas tij, Lëvizja Vetëvendosje nuk mund të imponojë emra të njëanshëm apo të kushtëzojë procesin me zgjedhje të reja, pasi pushteti i tanishëm nuk e ka monopolin mbi vendimmarrjen në Kosovë.
/ KohaNEWS