Kryetari i përbërjes së fundit të parlamentit kroat, Gordan Jandrokoviq, ka komentuar exit poll-et e para në selinë e HDZ-së.
– HDZ është fitues bindës i zgjedhjeve për herë të tretë. Ky është një rezultat solid, tha ai, duke shtuar se ka shumë rezultate margjinale.
“Ne presim diasporën, besojmë se edhe atje do të marrim edhe tre mandate”, tha ai.
Ai nuk u pajtua me faktin se dështuan në zgjedhje.
“Ne presim të fitojmë edhe disa mandate kur të vijnë rezultatet zyrtare, tha ai.
Jandrokoviç përsëriti se mandatet margjinale do të jenë të rëndësishme.
“Ky është një drejtim i mirë, ne e shohim që jemi duke udhëhequr, se jemi patjetër të parët, tha ai.
Sot në Kroaci janë mbajtur zgjedhjet e 11-ta parlamentare që nga shpallja e pavarësisë në vitin 1991. Në orën 07:00 janë hapur mbi 6500 qendra votimi, ku do të votohet deri në orën 19:00, kur është në fuqi heshtja zgjedhore.
Sipas exit polls, HDZ dhe partnerët e saj fituan 58 mandate, SDP dhe partnerët e saj 44, Domovinski Pokret dhe partnerët e saj 13, Mozeme dhe partnerët e saj 11, Most dhe partnerët e saj 9, NPS (Matija Posavec) 2 mandate, IDS dhe partnerët e saj gjithashtu 2 mandate, dhe një mandat të fituar nga Focus.
