Zëvendësministrja e Transportit dhe Lidhjeve, Kaltrina Zekolli Shaqiri, ka vizituar sot Komunën e Studeniçanit për të inspektuar disa nga projektet infrastrukturore që po realizohen me mbështetje të Qeverisë.
Së bashku me kandidatin për kryetar të Komunës nga radhët e VLEN, Sedat Bislimi, ajo ka vizituar disa prej investimeve më të rëndësishme për zonën, përfshirë ndërtimin e plotë të rrugës në fshatin Batincë, ndërtimin e urës së re në rrugën e fshatit Cvetovë, si dhe punimet në rrugën e Ujit të Kuq.
Sipas Zekolli Shaqirit, këto projekte kanë qenë të domosdoshme për banorët e kësaj zone për vite me radhë dhe tani po realizohen me përkushtim e transparencë.
Në total, në Komunën e Studeniçanit po zhvillohen gjashtë projekte infrastrukturore me mbështetje nga Qeveria, në vlerë prej rreth 3 milionë euro.
“Mirëqenia qytetare VLEN, dhe ne do të vazhdojmë të investojmë aty ku qytetarët kanë më së shumti nevojë,” theksoi Zekolli Shaqiri.
