Mishi është pjesë e rëndësishme e ushqimit, por ekspertët paralajmërojnë se disa lloje mund të rrisin ndjeshëm rrezikun për hiperkolesterolemi dhe sëmundje të zemrës. Sipas kardiologes Dr. Joyce Owen-Hsiao, mishi ofron proteina dhe hekur, por konsum i rregullt mund të kontribuojë në inflamacion, diabet dhe probleme kardiovaskulare.
Studimet tregojnë se dy lloje mishi janë më të dëmshme për zemrën:
-
Mishi i kuq, veçanërisht pjesët me yndyrë, që përmbajnë yndyra të ngopura dhe rrisin nivelin e LDL, kolesterolit “të keq”. Kjo mund të shkaktojë depozita në arterie dhe të rrisë rrezikun për infarkt dhe goditje në tru.
-
Produktet e përpunuara të mishit, si sosiska dhe sallam, të pasura me yndyrna të ngopura, natrium dhe nitrate, që rrisin rrezikun për hipertension, kancer dhe mbajtje të lëngjeve në trup.
Ekspertët rekomandojnë që ata që konsumojnë mish të rrisin marrjen e perimeve, drithërave integrale dhe frutave, dhe të ulin sasinë e mishit të kuq dhe të yndyrshëm. Alternativa më të shëndetshme janë pulë e pjekur ose e zier pa lëkurë dhe peshk i pasur me omega-3, siç është salmoni.
