Kandidati i koalicionit VLEN për kreun e komunës së Tetovës, Bilall Kasami, në ditën e fundit të fushatës takoi banorët e Çarshisë së Epërme, ku edhe ka ndjekur punimet për asfaltimin e rrugës “Zhurçin”.
Kasami me këtë rast premtoi se në këtë pjesë të lagjes, investimet do të vazhdojnë me asfaltimin e edhe disa rrugëve të tjera, ndërsa paralajmëroi edhe ndërrimin e gypit kryesorë të ujit që kalon në këtë lagje, me qëllim përmirësimin e furnizimit me ujë të lagjes por edhe gjithë Çarshisë së Epërme.
“Sot jemi në rrugën e famshme “Zhurçin” që emrin dhe vendin s`ia dinte kundër kandidati. Ne jo që dimë çdo rrugë e rrugicë në qytet, por të njëjtat i kemi meremetuar dhe asfaltuar. Në këtë pjesë të qytetit në pranverë do nis edhe ndërrimi i gypit kryesor të furnizimit me ujë të qytetit si dhe ndër rimi i gypit të kanalizimit atmosferik meçka kjo pjesë e qytetit, me asfaltimin e rrugëve dhe infrastrukturës tjetër, do bëhet një rrugë siç i ngjan qytetit që e duam ta zhvillojmë pra qytet me kushte të mira jetese”, tha Bilall Kasami, Kandidat i VLEN-it për Tetovën./ Alsat.mk
