Nëse po planifikoni të transferoheni në një nga vendet evropiane, lista e krijuar nga agjencia kanadeze e imigracionit mund t’ju ndihmojë në vendimin tuaj, dhe ajo përmban një listë të vendeve në Evropë ku është më e lehtë dhe gjithashtu më e vështira për të marrë nënshtetësinë.
Nëse keni fatin të punoni në distancë, ka mijëra vende që ofrojnë viza nomade dixhitale. Megjithatë, nëse doni të zhvendoseni në një nga vendet evropiane, mund t’ju duhet të kaloni rrugën klasike të marrjes së shtetësisë, dhe në disa vende evropiane kjo është më e lehtë të thuhet sesa të bëhet.
Agjencia kanadeze e imigracionit CanadaCIS ka publikuar një studim se cilat vende në të gjithë kontinentin janë më të lehtat (dhe më të vështirat) për të marrë nënshtetësinë. Ata analizuan të dhënat e Eurostat-it për imigracionin nga viti 2009 deri në vitin 2021, duke parë përqindjen e aplikimeve të suksesshme për banorët jo-BE.
Pra, cili vend pranon përqindjen më të madhe të banorëve jashtë BE-së? Kjo do të ishte Suedia, e cila ka një normë pranimi prej 9.3 përqind, më shumë se dyfishi i mesatares së BE-së. Duke qenë një nga vendet më të lumtura në Evropë dhe në botë, nuk është çudi që njerëzit duan të lëvizin atje.
Megjithatë, nuk është aq e lehtë të marrësh shtetësi kudo, veçanërisht në Estoni. Ky vend i Evropës verilindore ka shkallën më të ulët të pranimit të shtetësisë, vetëm 0.6 për qind. Por nga afër ndiqet nga pjesa tjetër e shteteve baltike – në vendin e tretë është Letonia me vetëm 0,7 për qind, dhe në vendin e katërt është Lituania me 0,8 për qind, transmeton klix.ba.
Këto janë 10 vendet evropiane ku është më e lehtë për të marrë nënshtetësinë:
- Suedia
- Norvegjia
- Holanda
- Portugalia
- Islanda
- Irlanda
- Rumania
- Mbretëria e Bashkuar
- Belgjika
- Finlanda
Këto janë 10 vendet evropiane në të cilat është më e vështirë për të marrë nënshtetësinë:
- Estonia
- Letonia
- Republika Çeke
- Lituania
- Austria
- Lihtenshtajni
- Sllovakia
- Sllovenia
- Gjermania
- Danimarka
