Komuna e Tetoves ndryshime kadrovike në Ndërmarrjet publike

Komuna e Tetovës bën të ditur se ka ndërmarrë ndryshime në udhëheqjen e disa ndërmarrjeve publike, në përpjekje për të përmirësuar shërbimet dhe efikasitetin e tyre në dobi të qytetarëve të Tetovës. Komuna e Tetovës njofton se, në Ndërmarrjen Publike Komunale “Tetova”, roli i drejtorit i është besuar Samet Bislimit, i cili ka një përvojë të pasur dhe me një vizion të qartë për zhvillimin e komunës. Në Ndërmarrjen Publike për Ujësjellës dhe Kanalizim “Sharri”, postin e drejtorit do ta ketë Nuredin Fetai. Ai do të ketë detyrën e përgjegjësisë për sigurimin e furnizimit me ujë dhe menaxhimin e kanalizimeve në zonën e Tetovës. Ky ndryshim në udhëheqje vjen në kontekst të përkushtimit të vazhdueshëm për një Tetovë më të pastër dhe më të denjë. Vlerësojmë se me këto ndryshime, shërbimet komunale do të përmirësohen dhe do të plotësojnë më mirë nevojat e qytetarëve.