Xhaferi, Kovaçevski dhe qeveria japin dorëheqje nga nesër. Kryeparlamentari në largim dhe kryeministri teknik i ardhshëm në një deklaratë për mediat saktësoi sot afatet, duke theksuar se pas dorëheqjeve që do të dorëzojnë nesër, të premten më 26 do të konstatohen dhe kreu i shtetit do të njoftohet për ata dhe seancën do ta udhëheq ai.
Në të njëjtën mbledhje do të duhet të zgjidhen nënkryetari Misovski dhe kryetari i ri i legjislativit Jovan Mitrevski. Tashmë në datën 27, të shtunën, mandatari do të prezantojë programin e propozuar dhe përbërjen e re të qeverisë teknike, ndërsa në datën 28 është seanca për zgjedhjen e qeverisë teknike, e cila duhet të përfundojë më së voni deri në mesnatë. Xhaferi sot theksoi se i gjithë procesi do të jetë në përputhje me kushtetutën dhe ligjet, por siç tha ai pret që VMRO DPMNE të shpallë dhe të dorëzojë propozimet e tyre që përbërja e qeverisë të jetë e plotë.
