ryetari i Partisë Demokratike të Kosovës (PDK) opozitare, Memli Krasniqi, ka akuzuar Qeverinë e Albin Kurtit në tre vjetorin e emërimit të saj, për mashtrim dhe degradim të shtetit, njoftoi korrespondenti i MIA-s nga Prishtina.
Krasniqi në faqen e tij në Facebook ka publikuar një video material ku përmbledh “disa nga aferat dhe skandalet e Qeverisë Kurti 2 në këto tre vite”.
Kreu i partisë më të madhe opozitare parlamentare në Kosovë thotë se mbi të gjitha këto tre vite kanë zbuluar natyrën mashtruese të kryeministrit Kurti dhe kabinetit të tij, “duke i shkaktuar dëme të mëdha shtetit dhe qytetarëve”.
– Tre vite degradim – korrupsion – nepotizëm. Tre vite keqqeverisje – izolim – frikë. Tri vite mashtrim!, ka shkruar Krasniqi në Facebook.
