Komisioni Rregullator për Shërbimet e Energjisë, Ujit dhe Mbeturinave Komunale (KRRE) ka miratuar një vendim të ri për ndryshimin e çmimeve me pakicë të derivateve të naftës, me një rritje mesatare prej 0.23% krahasuar me vendimin e datës 11.11.2025.
Sipas vendimit, çmimet e benzinës EUROSUPER BS-95 dhe EUROSUPER BS-98 rriten me 1 denar për litër, ndërsa çmimi i EURODIESEL (D-E V) shënon rritje prej 0.50 den/litër. Çmimi i vajit ekstra të lehtë për përdorim shtëpiak (EL-1) mbetet i pandryshuar.
Ndërkohë, çmimi me pakicë i mazutit M-1 NS ulet për 0.806 den/kg, duke arritur në 35.621 den/kg.
Çmimet e reja hyjnë në fuqi nga ora 00:01 e datës 18 nëntor 2025. Ato janë si vijon:
-
EUROSUPER BS-95: 75.50 denarë/litër
-
EUROSUPER BS-98: 77.50 denarë/litër
-
EURODIESEL (D-E V): 72.50 denarë/litër
-
Vaj ekstra i lehtë EL-1: 69.50 denarë/litër
-
Mazut M-1 NS: 35.621 denarë/kg
Vendimi vjen në kuadër të harmonizimit me lëvizjet në tregjet ndërkombëtare dhe kursin e valutave.
