Kurti akuzon Grenellin për kundërshtim të vazhdueshëm që nga viti 2020
Në një intervistë për revistën gjermane Table Briefings, kryeministri i Kosovës, Albin Kurti, ka deklaruar se emisari special i administratës Trump, Richard Grenell, ka qenë haptas kundër tij që nga viti 2020. Kurti theksoi se, pavarësisht kësaj, Shtetet e Bashkuara mbeten aleat i domosdoshëm dhe mik i veçantë për Kosovën.
Kurti gjithashtu shprehu shqetësimin për kërcënimet e sigurisë që vijnë nga Serbia, duke theksuar lidhjet e ngushta të saj me Rusinë. Ai bëri thirrje për mbështetje të shtuar nga aleatët, veçanërisht për praninë e trupave gjermane në kuadër të KFOR-it, për të garantuar sigurinë dhe stabilitetin në rajon.
