Kryeministri i Kosovës, Albin Kurti, gjatë vizitës së tij në Drenas tha se është duke u përgatitur padi kundër Serbisë për krimet e kryera gjatë luftës në Kosovë.
Sipas Kuritit, po bëhen përgatitje për ta akuzuar Serbinë si vend për krime kundër njerëzimit dhe gjenocid.
“Po bëhen përgatitje për të akuzuar Serbinë si shtet se është përgjegjëse për krimet e kryera gjatë luftës në Kosovë, për krime kundër njerëzimit dhe gjenocid”, tha Kurti.
Kurti theksoi rëndësinë e angazhimit të Prokurorisë së Shtetit në ndjekjen penale të të dyshuarve për krime, duke theksuar se drejtësia duhet të vendoset për shërimin e plagëve që kanë mbetur të hapura, duke shtuar se për të gjitha këto ka dëshmitarë të gjallë.
“Pa drejtësi, vetëm me të vërtetën, plagët mbeten të hapura”, tha Kurti.
E gjithë kjo vjen pasi presidenti i Serbisë, Aleksandar Vuçiq, paraqiti shifra shqetësuese për numrin e sulmeve të motivuara etnikisht ndaj serbëve dhe kishës serbe që kur Kurti erdhi në pushtet në vitin 2021.
Sipas Vuçiqit, që atëherë janë regjistruar deri në 494 sulme, që është dukshëm më shumë në krahasim me periudhën e mëparshme nëntëvjeçare kur Kurti nuk ishte në pushtet dhe kur u regjistruan 170 sulme më pak. Këto të dhëna tregojnë qartë për një përshkallëzim të tensionit dhe dhunës në Kosovë e Metohi pas ardhjes së Kurtit në skenën politike.
“Dhe në periudhën e kaluar prej nëntë viteve, kur Kurti nuk ishte në pushtet, kemi pasur vetëm 170 sulme të tjera”, tha Vuçiq.
