Kreu i opozitës maqedonase, Hristijan Mickoski kritikoi ashpër prokurorinë dhe gjykatën për incidentin e ndodhur në M-NAV. Sipas Mickovskit me urdhër të partive politike në pushtet rasti po trajtohet si i parëndësishëm. Kryetari i VMRO-DPMNE-së bëri krahasime që nëse një rast i tillë do të ndodhte në ndonjë nga metropolet evropiane apo botërore, sulmuesit do të përfundonin të ekzekutuar.
“Paramendojeni çfarë do të ndodhte, do thosha që një grup banditësh, do të sulmonin në Aeroportin e Uashingtonit, Aeroportin e Parisit apo në Aeroportin e Berlinit?! Tani ata do të ishin të burgosur ose do të ishin të likuiduar. Çdo ditë keni një skandal të ri, që kulmoi me këtë tërbim të atij grupi kriminal bandit që sulmoi në ambientet e Navigacionit. Dhe kjo prokurori e gjykatë, e autorizuar nga partia, që çështjen e kaloi sikur të ishte dikush që ka marrë hua një duzinë qebapësh nga një qebaptore”, deklaroi Hristijan Mickovski, Kryetar i VMRO DPMNE-së.
