Kryeministri Hristijan Mickoski ka deklaruar se takimet me partnerët e koalicionit zhvillohen rregullisht dhe se shumë shpejt opinioni do të njoftohet për ndryshimet e mundshme në përbërjen qeveritare.
I pyetur për zërat që flasin se Muhamet Hoxha mund të emërohet në vend të Izet Mexhitit në postin e ministrit të Ekologjisë, Mickoski u shpreh shkurt se “gjithçka do të dihet në ditët në vijim”.
“Nëse do të kisha diçka më shumë për të thënë, do ta kisha thënë që në pyetjen e parë,” u përgjigj Mickoski.
Sa i përket komunave ku zgjedhjet dështuan, ai theksoi se kjo çështje është diskutuar dhe se personat e besuar do të caktohen në periudhën e ardhshme.
(KohaNews)
