Nuk kam dëgjuar që kryeparlamentari Afrim Gashi të ketë deklaruar se atdheu i tij është Kosova, por nëse është kështu duhet t’u kërkojë falje qytetarëve, tha sot lideri i VMRO-DPMNE-së dhe mandati për përbërjen e Kuvendit. Qeverisë, Hristijan Mickoski në vilë Vodno ku mandatin ia dorëzoi presidentja e Maqedonisë, Gordana Siljanovska Davkova.
Gazetarët kanë pyetur se si e komenton deklaratën e Gashit se atdheu i tij është Kosova, ndërsa Mickoski është përgjigjur se nuk e ka dëgjuar apo lexuar një deklaratë të tillë.
Pasi i është thënë se këtë e ka deklaruar për Radio Televizionin e Kosovës, Mickoski është përgjigjur se në bisedat me të Gashi personalisht ka thënë se është Maqedonia.
Por nëse e ka thënë këtë duhet sa më parë të kërkojë falje sepse jeton këtu dhe këtu merr rrogë nga qytetarët, nga maqedonasit, shqiptarët, turqit, serbët dhe të gjithë”, tha Mickoski.
Ndryshe, Gashi ka deklaruar se ka lindur në Shkup. Për shkak të punës, prindërit e tij u shpërngulën nga Kosova në Shkup në vitet gjashtëdhjetë të shekullit të kaluar dhe për këtë ai e ndjen Kosovën si atdheun e tij.
Sipas Gashit, të lindurit pas viteve nëntëdhjetë nuk mund ta kuptojnë, por është çështje e ndjenjës personale.
