Sonte në orën 22:45 ka pasur të shtëna nga arma e zjarrit në bulevardin “Ilinden” në Tetovë, ku një banor i Tetovës ka raportuar se në shtëpinë e tij janë shtënë me armë zjarri. Nga SPB Tetovë thonë se për momentin nuk kanë informata për persona të lënduar.
– Në orën 22:45 M. T. nga Tetova ka raportuar në SPB Tetovë se një person i panjohur ka shtënë me armë zjarri nga një automjet në lëvizje në shtëpinë e tij në Tetovë. Deri më tani nuk ka raportime për persona të lënduar. Po ndërmerren masa për zbardhjen e rastit – njofton SPB Tetovë.
Policia ka bllokuar lëvizjen e automjeteve përgjatë pjesës së bulevardit ku kanë ndodhur të shtënat, më pas kanë nisur hetimet.