Ndërmarrja Publike për Rrugë Shtetërore ka filluar me një fushatë sensibilizuese për qytetarët për të qenë më të ndërgjegjshëm në ruajtjen e ambientit jetësorë duke mos hedhur mbeturina të ndryshme gjatë qarkullimit me makina në autostradat e vendit dhe për këtë arsye janë vendosur kontejner në pikat e pagesave rrugore.
“Që të mbajmë pastër mjedisin jetësor kemi vendosur shporta të reja për mbeturina dhe kontejnerë në pikë pagesore, kësaj radhe në vende më të dukshme me qëllim që t’jua lehtësojmë hedhjen e mbeturinave. Ne duhet të jemi të vetëdijshëm se mbetjet e hedhura në rrugë paraqesin rrezik për të gjithë pjesëmarrësit në komunikacion. Për këto arsye, apelojmë që mbeturinat t’i hidhni në 40 kontejnerët e vendosur në vende të dukshme dhe në 260-të shporta për mbeturina të vendosura ndërmjet pikave pagesore ,” u shpreh drejtori i NP Rrugë Shtetërore, Ejup Rustemi.
Ndërkaq Ndërmarrja Publike për Rrugë Shtetërore, ka vënë në dispozicion të qytetarëve një email kontakti contact@roads.org.mk. për të lajmëruar shërbimet kompetente të kësaj ndërmarrje në rast se shohin hedhje të mbeturinave në dhe afër rrugëve shtetërore e gjithë kjo për të ruajtur pamjen e bukur të autostradave tona.
