Ministri i Punëve të Jashtme, Bujar Osmani, nesër do të udhëtojë për në Bruksel, ku do të marrë pjesë në takimin ministror të NATO-s.
Në fokus do të jetë përkujtimi i 75-vjetorit të NATO-s, si dhe prioritetet e Aleancës në prag të Samitit në Uashington.
– Në takim do të diskutohen gjithashtu sfidat aktuale të sigurisë, mbështetja afatgjatë aleate për Ukrainën, si dhe forcimi i parandalimit dhe mbrojtjes së Aleancës së NATO-s, thuhet në një deklaratë të Ministrisë së Punëve të Jashtme.
