Të dhënat e fundit tregojnë një pabarazi skandaloze në pagat në Maqedoni. Sipas Trendafilov, shefi më i paguar merr pagë sa 817 punonjës me pagë minimale, ndërsa tre shefat më të pasur marrin për një muaj sa 1.790 punonjës të tillë. Ndërkohë, punëtorët, edhe pse marrin pagë, vazhdojnë të përballen me varfëri dhe vështirësi ekonomike.
Politikanët shpesh e paraqesin rritjen e pagës mesatare si përmirësim të jetesës së punëtorëve, por realiteti tregon se kjo rritje nuk përkthehet në mirëqenie për shumicën. Punëtorët me paga minimale dhe mesatare paguajnë 38% kontribute për sigurime shoqërore, ndërsa shefat me paga milionëshe vetëm 10% taksa personale mbi pagat e tyre.
Trendafilov thekson se qeveria duhet të zgjedhë: ose të rrisë pagën minimale dhe pagat e punëtorëve nën mesataren, ose të vendosë tatime më të larta për shefat milionerë, duke ulur pabarazinë që vazhdon të thellohet çdo vit.
