Në vetëm një vit janë larguar nga vendi 12200 punëtorë ndërtimi dhe e njëjta situatë është edhe në sektorin e hotelierisë dhe turizmit. Ekspertët thonë se kjo është një shifër shqetësuese për faktin se vitin e kaluar u arrit marrëveshja për rritjen e pagave të punonjësve të sektorit publik. Sipas tyre, pagat duhet të vazhdojnë të rriten, sepse rritja e çmimeve të ushqimeve tashmë ka ngrënë rritjen e fundit prej 10 për qind.
Përveç minimumit, rritje duhet edhe për pagat e tjera në sektorin privat dhe publik.Punëdhënësit thonë se ka mungesë të madhe të punëtorëve nga profesione të ndryshme. Ata paralajmërojnë se reformat duhet të ndërmerren menjëherë për të krijuar vende pune më të paguara, për të rritur pagat, standarde më të mira jetese… për të parandaluar eksodin e fuqisë punëtore dhe për të mbajtur funksionimin e biznesit. –
Kur problemet këtu të zgjidhen dhe kur të mos jemi shumë prapa mesatares evropiane të pagave, shpresojmë që trendi i emigrimit të fuqisë punëtore të ndalet. Ndryshe, është fakt se vendit i mungojnë një numër i madh i punëtorëve të kualifikimeve të ndryshme. Nëse kemi një situatë të qëndrueshme politike, një ekonomi të mirë dhe paga evropiane, sigurisht që procesi i emigrimit do të ndalet. Por, nga ne varet se sa shpejt do t’i bëjmë reformat, të cilat nuk duhet t’i bëjmë vetëm për hyrjen në BE, por edhe për t’i rregulluar gjërat në vend – thotë Angel Dimitrov nga Organizata e Punëdhënësve të Maqedonisë.
