Policia në mënyrë aktive është në kërkim të personit i cili dje ka shtënë me automatik në drejtim të kryetarit të Komunës së Haraçinës, Ridvan Ibrahimi.
Përkatësisht, në momentin e të shtënave, Ibrahimi ishte duke i mbikëqyrur punimet në trotuarin e rrugës kryesore. Me të ishte edhe rojtari i tij i sigurisë dhe shoferi.
Kryetari Ibrahimi ka shpëtuar dhe është i padëmtuar, ndërsa në vendngjarje kanë mbetur të lënduar shoferi dhe sigurimi. I plagosur rëndë ka mbetur një 21-vjeçar. Ai ndodhet në një klinikë torakale në Shkup, ku i është hequr një pjesë e mushkërisë, ndërsa personi tjetër ndodhet në spitalin e qytetit Sveti Naum, në gjendje të mirë shëndetësore, gjegjësisht në vetëdije.
