Friday, June 14, 2024
spot_img

Prof. dr. Berton Sulejmani, bëri homazhe para Universitetit të Karlit në Pragë

Prof. dr. Berton Sulejmani, bëri homazhe para Universitetit të Karlit në Pragë

Më 5 janar 2024, dekani i Fakultetit Filologjik të Universitetit të Tetovës, Prof. dr. Berton Sulejmani takoi Mr. Premisël Vinsh (Přemysl Vinš), mësimdhënës e studiues i gjuhës dhe kulturës shqiptare në katedrën e Sllavishtes së Jugut dhe Ballkanistikës të Fakultetit Filozofik të Universitetit të Karlit në Pragë (Republika e Çekisë). Në këtë takim u bisedua për katedrën e Studimeve të Evropës Juglindore në kuadër të së cilës krahas, bullgarishtes, kroatishtes, serbishtes e rumanishtes, studiohet e mësohet edhe gjuha shqipe.

Dekani i F. Filologjik, Prof. dr. Berton Sulejmani së bashku me Mr. Premisël Vinsh (Přemysl Vinš) bënë homazhe dhe ndezën nga një qiri para Fakultetit të Arteve të Universitetit të Karlit në Pragë, pas ngarjes së dhimbshme që ndodhi në këtë fakultet më 21 dhjetor 2023 ku një student i këtij fakulteti vrau 14 njerëz, plagosi 25 (brenda godinës së këtij fakulteti) dhe më pas vrau veten.

Profesor B. Sulejmani e ka ftuar kolegun, Mr. Premisël Vinsh (Přemysl Vinš) që të marrë pjesë në punimet e Seminarit XVIII Ndërkombëtar të Albanologjisë të U. Tetovës i cili do të organizohet gjatë muajit tetor 2024.

Njashtu, Mr. Premisël Vinsh (Přemysl Vinš) e ka ftuar Prof. dr. Berton Sulejmanin që në një të ardhme të afërt të mbajë një ligjëratë para studentëve dhe stafit akademik të katedrës në Pragë për gjuhën shqipe në Maqedoninë e Veriut sot – për shqipen standarde dhe statusin e pabarabartë të shqipes me maqedonishten.

Fakulteti i Arteve i U. të Karlit në Pragë, pas rastit tragjik që ndodhi më 21 dhjetor 2023, do të qëndrojë i mbyllur të paktën deri në fund të muajit janar 2024. Përndryshe, i themeluar më 1347, Universiteti i Karlit është më i vjetri dhe më i madhi jo vetëm në Republikën e Çekisë, por dhe një prej universiteteve më të vjetra në Evropë.

 

 

TE NDRYSHME

Stay Connected

0FansLike
0FollowersFollow
- Advertisement -spot_img

TE FUNDIT