Qeveria shqiptare ka vendosur të akordojë edhe këtë vit një bonus të fundvitit për pensionistët, për të cilin është parashikuar një fond prej 9.4 miliardë lekësh, që korrespondon me rreth 97 milionë euro.
Përfitues do të jenë afërsisht 765 mijë pensionistë, të ndarë në dy kategori. Ata që marrin pension mbi 20 mijë lekë do të përfitojnë bonus prej 10 mijë lekësh, ndërsa pensionistët me pension nën 20 mijë lekë do të marrin bonus prej 15 mijë lekësh.
Një bonus me të njëjtin vlerësim u nda edhe në dhjetor të vitit të kaluar, ndërsa në pranverë pensionistëve iu ishte shpërndarë një mbështetje shtesë prej 5 mijë deri në 10 mijë lekësh.
