Dibër – Koalicioni qeverisës VLEN vijon fuqishëm përgatitjet për zgjedhjet komunale, me prurje të reja në ekipin e tij, duke forcuar pozicionin përballë kundërshtarëve.
Së fundmi, në ekip janë bashkuar Eduart Telqiu, arsimtar, sportist dhe aktivist shoqëror, i cili sipas VLEN sjell dije, energji dhe përkushtim për zhvillimin e Dibrës. “Vlerësimi i profesionistëve ka qenë dhe do të mbetet gjithmonë prioriteti ynë,” thuhet në njoftimin e koalicionit.
Gjithashtu, në familjen e madhe VLEN janë mirëpritur edhe Noli Osmani, si dhe Genc dhe Amir, duke forcuar ekipin dhe duke rritur mundësitë për sukses në garën për kreun e komunës.
“Na priftë e mbara! Së bashku, fitoren e kemi të sigurt,” theksojnë përfaqësuesit e VLEN.
Sipas burimeve të koalicionit, prurjet në Dibër nuk ndalen, dhe me çdo ditë që afrohen zgjedhjet, VLEN fuqishëm i hyn garës, ndërsa kundërshtarët e tij duket se po struken.
