Reçica e Madhe po përjeton ndryshime të mëdha infrastrukturore dhe urbane, ndërsa vizioni për zhvillim vazhdon të zgjerohet. Gjatë një vizite në lagje, kryetari i Komunës së Tetovës, Bilall Kasami, zhvilloi një bashkëbisedim të hapur me banorët, të cilët i falënderoi për mbështetjen dhe besimin.
Kasami theksoi se investimet në Reçicën e Madhe do të intensifikohen në mandatin e ardhshëm, me qëllim që kjo zonë të vazhdojë të jetë epiqendër e zhvillimit të Tetovës.
Gjatë takimit, ai rikujtoi disa nga projektet kryesore të realizuara gjatë mandatit të parë:
Rruga magjistrale nga Reçica e Vogël deri te stadiumi i Reçicës së Madhe
Peshorja për bujqit e Reçicës së Madhe
Stadiumi i shkollës
Parkingu i shkollës
Rruga nga Xhamia e Madhe deri te Xhamia e Re në drejtim të Kalecit
Si dhe projekti madhor: rruga që do ta lidhë Reçicën e Madhe me autostradën, që pritet të sjellë lehtësim të madh të qarkullimit dhe rritje ekonomike
“Për Reçicën e Madhe po vijnë ditë edhe më të mira në mandatin e ri katërvjeçar,” deklaroi Bilall Kasami, duke nënvizuar se askush nuk do të mbetet pas në zhvillimin e Tetovës.
