Skuadra e Liverpoolit doli fitimtare nga takimi derbi me Arsenalin në raundin e tretë të FA Cup.
Ndonëse “të kuqtë” nuk mund të llogarisnin në shumë lojtarë për arsye të ndryshme (lëndime, detyrime ndaj kombëtareve), ata treguan karakter dhe arritën një rezultat madhështor në “Emirates” të Londrës. “Topçinjtë” ishin një kundërshtar shumë më i mirë në pjesën e parë, por ajo iniciativë, rastet nuk u shfrytëzuan dhe shkuan në pushim pa gola.
Gjërat ndryshuan pas pushimit, Liverpooli ishte më i mirë, më i fortë, e dinte se çfarë donte dhe arriti të fitonte në fund. Rezultati u hap në minutën e 80-të me autogol nga mbrojtësi Kivior, ndërsa 2-0 përfundimtare u bë nga Diaz në minutën e 95-të.