Në Shtetet e Bashkuara, rritja e çmimeve të mishit të viçit, bananeve dhe kafesë ka ndikuar dukshëm në xhepat e amerikanëve. Çmimi i mishit të viçit u rrit mesatarisht me 14.7%, bananet me 6.9%, ndërsa pluhuri i kafesë shënoi rritje prej 18.9% që nga vera e kaluar.
Shkaktar i këtyre ndryshimeve ishin tarifat doganore të vendosura nga administrata Trump, të cilat goditën veçanërisht shtresat e mesme dhe të ulta. Për të zbutur efektet, Shtëpia e Bardhë njoftoi më 14 nëntor heqjen e tarifave për rreth 200 produkte ushqimore, duke përfshirë kafen, çajin, bananet, frutat tropikale, mishin e viçit dhe disa plehra.
Ndërkohë, vendet eksportuese si Brazili mbeten në pritje, pasi ulja e tarifave nga 50% në 40% nuk ka qenë e mjaftueshme për të sjellë një lehtësim të ndjeshëm. Ekspertët amerikanë nënvlerësuan ndikimin e tarifave, veçanërisht për produktet që importohen gjerësisht si bananet, të cilat nuk mund të zëvendësohen menjëherë me prodhim të brendshëm.
Rritja e çmimeve ka pasur edhe pasojë politike. Në zgjedhjet e 4 nëntorit, kandidate demokrate fituan guvernatoratet në New Jersey dhe Virginia, duke reflektuar pakënaqësinë e qytetarëve ndaj kostos së jetesës. Në këtë kontekst, presidenti Trump u etiketuara me nofkën “Taco” – Trump Always Chickens Out – për tërheqjet e përsëritura nga vendimet e tij.
