Pasdite në rrjetet sociale dhe disa media online është publikuar një video, nga e cila shihet sesi disa specialistë me uniformë të Ministrisë së Punëve të Brendshme arrestojnë një person që ndodhet në terren dhe nuk bën rezistencë. Menjëherë pas këtij njoftimi, erdhën disa tituj sensacionalistë nga mediat e afërta me partitë politike, duke spekuluar me baza të ndryshme për ndalimin e gazetarit Furkan, ndërsa sipas SHGM-së iu referuan burimeve të dyshuara policore.
“SHGM dhe SPMN apelojnë që rasti të zbardhet menjëherë, që kolegut Saliu të mos i cenohen të drejtat dhe partitë politike të mos e përdorin atë në betejat e tyre ditore politike dhe për qëllime partiake të fushatës zgjedhore. Pak më parë është publikuar informacioni në PortaliX, media online në të cilën Furkan Saliu është themelues dhe kryeredaktor. Redaksia e medias bën me dije se akti i sotëm i njësisë speciale ndaj gazetarit Saliu është tërësisht i orkestruar dhe paraqet tentativë për të ushtruar presion ndaj gazetarisë së lirë të ushtruar nga PortaliX”, thuhet në njoftim.
