Me kërkesë të Ukrainës, Sekretari i Përgjithshëm i NATO-s, Jens Stoltenberg, ka caktuar takimin e Këshillit NATO-Ukrainë për këtë të premte.
Tema kryesore e takimit të jashtëzakonshëm do të jetë nevoja e Ukrainës për më shumë sisteme të mbrojtjes ajrore dhe predha artilerie, tha Stoltenberg në Bruksel.
Në takim duhet të marrin pjesë edhe presidenti ukrainas Volodymyr Zelensky, si dhe ministrat e mbrojtjes të vendeve anëtare të NATO-s. Nuk dihet fillimisht nëse takimi do të organizohet përmes videokonferencës apo me prezencë fizike.