Paketa e ndihmës, e cila vlen për vitin e ardhshëm fiskal, është me vlerë 2.5 miliardë paund (3.2 miliardë dollarë) dhe është më e madhja që Mbretëria e Bashkuar i ka dhënë Ukrainës që nga fillimi i luftës.
Domethënë, është 200 milionë paund (233 milionë dollarë) më shumë se paketa e mëparshme vjetore, tha qeveria britanike.
“Unë jam këtu sot me një mesazh: Mbretëria e Bashkuar nuk do të lëkundet,” tha Sunak, duke shtuar. “Ne do të jemi me Ukrainën, si në kohët e tyre më të errëta ashtu edhe në kohët më të mira që do të vijnë.”
Paketa përfshin fonde për prokurimin e raketave me rreze të gjatë, mijëra dronëve, për mbrojtjen ajrore, municionet e artilerisë dhe financimin për sigurinë detare, tha zyra e Sunak.
Ndihma britanike për Ukrainën vjen në një kohë kur ndihma financiare nga SHBA dhe Europa është e bllokuar për shkak të mosmarrëveshjeve politike.
“Ne nuk po largohemi,” tha Sunak në një konferencë shtypi me presidentin ukrainas Volodymyr Zelensky.