Monday, May 20, 2024
spot_img

Taravari: 800 euro pagë minimale, ekonomia dhe emigrimi kërkojnë përgjigje

Taravari: 800 euro pagë minimale, ekonomia dhe emigrimi kërkojnë përgjigje

Kandidati i VLEN-it për president, Arben Taravari në konferencën e sotme për shtyp tha se në këto zgjedhje, ka bashkim të plotë të opozitës shqiptare dhe kjo garanton fitore, për shkak se në të gjitha zgjedhjet, shumica e votave i kanë takuar opozitës.

“Zgjedhjet presidenciale mbahen të mërkurën, më 24 prill, gjashtë është numri i Ndryshimit që VLEN. Kudo që po shkojmë në fushatë, dhe kemi shkuar në të gjithë vendin, po shikojmë se problemi më i madh është varfëria, shtrenjtimi i çmimeve, papunësia apo rrogat e vogla. Kushtet e jetesës janë bërë më të vështira. Kjo shkakton edhe problemin tjetër shumë të madh që kemi. Ai është largimi i të rinjve. Të rinjtë largohen pikërisht për shkak se rrogat janë të vogla e se është vështirë të gjesh punë të mirë”, tha Taravari.

Sipas tij, ekonomia dhe emigrimi kërkojnë përgjigje, ndërsa shqiptarët kanë nevojë për ndryshim.

“Për këtë arsye, ne si koalicion VLEN, në qeverisje, duhet të garantojmë dhe do të garantojmë rritjen e rrogës minimale deri në 800 euro. Programin tonë Presidencial e kemi publikuar dhe e kemi diskutuar, e në fillim të javës tjetër do të publikojmë dhe programin parlamentar. Është i vetmi program që VLEN. Por edhe një herë po e përsëris, që ndryshimi të ndodhë, duhet të angazhohet çdo njeri. Sepse secila votë vlen. Dhe secili votues, bëjmë thirrje që të dalë në ditën e votimit, që të garantojë Fitoren e Ndryshimit.”, tha Taravari.

TE NDRYSHME

Stay Connected

0FansLike
0FollowersFollow
- Advertisement -spot_img

TE FUNDIT