Nëse do të mbahen zgjedhje të parakohshme për kryetar komune, nuk do ta pranoj postin ministror dhe nuk do të ishte e drejtë që qytetarët të shkojnë sërish në zgjedhje, tha kryetari i Gostivarit, Arben Taravari i pyetur se çfarë e pengon të hyjë në kabinetin e ardhshëm qeveritar.
– Dilema është nëse ia vlen të shkosh në zgjedhje dy herë në një vit? Të dalin të votojnë 35.000 njerëz në Gostivar në nëntor të këtij viti dhe në tetor të vitit të ardhshëm, mendoj se është e pandershme. Pra, nëse mbetet Ligji aktual për Vetëqeverisjen Lokale, unë do të qëndroj këtu. E vetmja arsye që më bën të hezitoj është se nuk do të doja që qytetarët të ngacmohen dy herë para se të dalin të votojnë në më pak se një vit, tha Taravari pas takimit me ambasadorin austriak Martin Pamer.
Taravari ka sqaruar se ende nuk ka marrë një vendim përfundimtar dhe se këtë do ta thotë të hënën.
Nëse bëhet ministër ka përmendur se do të duhet të zëvendësojë një nga këshilltarët në komunë, por mendon se kryetari i Këshillit, Valjbon Limani, është një zgjidhje e mirë për të vazhduar.
