Mëngjesin e sotëm në orën 06:32 banorët e rajonit të Ohrit dhe Kërçovës kanë ndjerë një tërmet të dobët. Observatori Sizmologjik në Shkup bën të ditur se tërmeti ka qenë në Shqipëri, me magnitudë 3.6 të shkallës Rihter.
Observatori sizmologjik në Fakultetin Shkencë-Matematikor në Shkup ka regjistruar mëngjesin e sotëm në orën 6:32 një tërmet epiqendra e të cilit ndodhet 130 kilometra në jugperëndim të Shkupit, në Shqipëri, me magnitudë lokale 3.6 ballë.
Siç thuhet në njoftim, sipas të dhënave të deritanishme që disponon observatori, tërmeti është ndjerë në pjesën jugperëndimore të Maqedonisë, në Ohër dhe në Kërçovë me intensitet III gradë sipas shkallës makrosizmike evropiane.
Mediat shqiptare raportojnë se tërmeti ka qenë 19 kilometra nga Elbasani dhe 4 kilometra nga Librazhdi, në një thellësi prej 15 kilometrash.
