Mbrëmë koalicioni “VLEN”në prani të liderëve dhe aktivistëve ka hapur shtabin qëndror në Kumanovë. Paraprakisht kryetari i Aleancës për shqiptarët Arben Taravari në takimin e tij me forumin rinor të ASH-së deklaroi se në Gostivar e kanë të sigurt fitoren por nuk duan të fitojnë me më pak se 7000 vota diferencë.
ARBEN TARAVARI, KRYETAR I ASH-SË
“Në Gostivar fitojmë sigurt por sdua të fitojmë me 3000, 4000, 5000 duam me 7000 mijë vota se ashtu e kemi vendos limitin, në qoftë se kemi diferencë më pak se 7000 vota unë mbrëmë e thash kur e hapëm shtabin në Gostivar, unë nuk e pranoj atë fitore”.
Koalicioni “Vlen” ditë më parë hapi shtabet qendrore në Gostivar dhe Tetovë ndërsa sot hapin shtabin zgjedhor në Çair.
